കണ്ണൂർ : കോവിഡ് ബാധിച്ച് ചികിത്സയിലായിരുന്ന എക്സൈസ് ഉദ്യോഗസ്ഥൻ മരിച്ചു. പടിയൂർ സ്വദേശി സുനിൽകുമാർ (28) ആണ് പരിയാരം മെഡിക്കൽ കോളേജിൽ മരിച്ചത്.
കേരളത്തിൽ കോവിഡ് മൂലം മരിച്ചവരുടെ എണ്ണം ഇതോടെ 21 ആയി. മട്ടന്നൂർ എക്സൈസ് ഓഫീസിലെ ജീവനക്കാരനായ സുനിൽകുമാറിനെ 3 ദിവസം മുൻപാണ് പരിയാരം മെഡിക്കൽ കോളേജിൽ പ്രവേശിപ്പിച്ചത്. പിന്നീട് ന്യൂമോണിയ ഉൾപ്പടെയുള്ള രോഗങ്ങൾ ഉണ്ടായതിനെ തുടർന്ന് ഇന്നലെ വൈകീട്ട് മുതൽ സുനിൽകുമാറിന്റെ ആരോഗ്യനില അതീവ ഗുരുതരമായി തുടരുകയായിരുന്നു. ഇന്ന് രാവിലെ വിദഗ്ധ സംഘം ഇദ്ദേഹത്തെ പരിശോധിച്ചിരുന്നു. എങ്കിലും ജീവൻ രക്ഷിക്കാനായില്ല.
