കോവിഡ് ബാധിച്ച പ്രതിദിന രോഗികളുടെ എണ്ണത്തിൽ ഇന്ത്യക്കു മുന്നിൽ ഇനി അമേരിക്കയും ബ്രസീലും മാത്രം. പ്രതിദിന മരണത്തിൽ ഇന്ത്യ ബ്രസീലിനുമാത്രം പിന്നിൽ. കോവിഡ് ബാധിതരുടെ എണ്ണത്തില് റഷ്യ ഇന്ത്യക്ക് മുന്നിലുണ്ടെങ്കിലും പ്രതിദിന രോഗികളിൽ പിന്നിലാണ്.
ഞായറാഴ്ച അമേരിക്കയിൽ 20000 പുതിയ രോഗികളും 331 മരണവും റിപ്പോര്‍ട്ടുചെയ്തു. ബ്രസീലില്‍ 17086 രോഗികളും 598 മരണവും. റഷ്യയില്‍ 8835 രോഗികളും 119 മരണവും. ഇന്ത്യയില്‍ സര്‍ക്കാര്‍ കണക്കുപ്രകാരം 11502 രോഗികളും 325 മരണവും. എന്നാൽ, രാജ്യത്തെ രോഗമുക്തി നിരക്ക് 51.08 ശതമാനമായതായി കേന്ദ്രആരോഗ്യമന്ത്രാലയം അറിയിച്ചു.
